A aldea de Lonxedetodo é unha comunidade democrática na que toda a veciñanza contribúe ao ben común pagando os seus impostos. Grazas a isto Lonxedetodo conta con colexio público, teatro público, piscina pública, escola pública de música e un longo etcétera de servizos que fan máis agradable a vida da ratiños e ratiñas.

Temas: Educación para a cidadanía. Urbanismo. Comunidade.

A ratiña Carolina é recoñecida en Lonxedetodo como una gran inventora. Encántalle saber e aprender como funciona calquera aparello. Os libros de experimentos son os seus favoritos.

Hoxe vai presentar na biblioteca o seu último invento co que pretende voar!

Temas: Ciencia. Contos clásicos.

Charles Perrault foi un autor e compilador francés de contos que están no imaxinario de todos nós: A Carapuchiña Vermella, A Cincenta, A Bela Dormente, Polgariño… Así e todo, cómpre revisar a obra deste escritor do século XVII desde a perspectiva do XXI, en especial aqueles contos que perpetúan unha visión machista da sociedade.

Temas: Contos clásicos. Igualdade de xénero.

A imaxinación da gran Lilí Gruyère non ten límite! Como en Lonxedetodo últimamente non para de chover, decidiu montarse unha praia particular…na biblioteca!

Temas: Arte. Creatividade. Medio Ambiente.

O rato Fuco chega hoxe á biblioteca acompañado por un pequeno porquiño ao que ten que coidar porque os pais hoxe non poden. Cambiarálle o cueiro, darálle a merenda e por suposto contarálle contos, porque en Lonxedetodo os coidados non son una actividade exclusiva das ratiñas.

Temas: Educación afectivo- sexual. Coidados. Igualdade de xénero.

En Lonxedetodo publícase un xornal que informa das principais novidades da aldea e do mundo. Hoxe a noticia mais salientable é a xira de presentación do novo disco da gran Lilí Gruyèrere! Tamén inclúe as habituais seccións. Entre elas a de pasatempos ou “O mundo dos contos”.

Temas: Contos clásicos. Medios informativos.

Os Ratos de Lonxedetodo aman a natureza. Hoxe o rato Fuco vainos falar da importancia do coidado do medio ambiente, con especial atención ao cambio climático, e vainos contar contos dos animais do bosque de Lonxedetodo.

Temas: Medio Ambiente. Contos tradicionais. Cambio climático.

Os ratos de Lonxedetodo son moi viaxeiros. Fuco ven de pasar unha temporada na selva e alí puido observar con desagrado como impera a lei do mais forte. Básicamente, observou que na selva faise o que lle peta ao rei, o león.

Temas: Viaxes. Multiculturalidade.

Os nosos ratos están facendo preparativos para viaxar a Brasil: repasan cancións brasileiras, ensaian bailes e contan contos deste país, salientando os lazos lingüísticos que o unen a Galicia. Darán a coñecer a obra de dous autores referenciais: Monteiro Lobato (pai da literatura infantil brasileira) e Eliardo França.

Temas: Viaxes. Multiculturalidade. Lusofonía.

O rato Fuco é tan curioso como calquera neno. Últimamente tolea a preguntas á súa amiga Lilí Gruyère. Ela ármase de paciencia e contesta as que sabe e apraza a resposta das que non gañando tempo para se documentar, mais nunca censura a curiosidade do seu pequeno amigo porque sabe que ésta e a motivación son os motores de toda aprendizaxe.

Temas: Educación afectivo- sexual. Curiosidade.

A Ratiña Carolina e o seu irmán Pillo descobren na biblioteca un par de misteriosas botas…¿Acaso serán as famosas botas de sete leguas do ogro do conto de Polgariño? Para sairen de dúbidas os dous ratos deciden probalas…

Temas: Contos clásicos.

O ratos e ratiñas de Lonxedetodo van lembrar o seu primeiro día de escola, o medo que tiveron que vencer ao despegarse das súas mamás e como, co paso dos días, foron descubrindo unha chea de actividades gratificantes.

Temas: Creatividade. Medos.

Unha bóa saúde afectiva é básica para o benestar e o desenvolvemento da persoa. Tamén é importante para previr comportamentos violentos e para saber detectar relacións insás. Isto sábeno ben os ratos e ratiñas de Lonxedetodo, que teñen cousas moi interesantes para contarnos hoxe.

Temas: Educación afectivo- sexual. Saúde afectiva.

O espectáculo dos Ratos de Lonxedetodo máis veces representado! Fuco trae nunha caixa os ratiños mais novos e polo tanto máis pequenos de Lonxedetodo. Ténos que coidar. Amósallos aos nenos e nenas mais cando lles manda que se volvan meter na caixa, os ratos non obedecen e ademáis mórdenlle. Fuco enfádase e consegue que entren na caixa… por pouco tempo. Para calmalos, decide contarlles tres contos , un para cada un. De ratos, por suposto. Os contos de Arnold Lobel son imprescindibles para a iniciación dos nenos e nenas no mundo da literatura.

Temas: Primeiras letras e contos.

O conto de "A ratiña presumida" fomenta os estereotipos de xénero e as ideas sexistas. Nesta actividade dramatizaremos o conto de "O Ratiño presumido" dándolle a volta ao conto clásico para amosar a un ratiño (o rato Fuco) que disfruta cantando e limpando a súa casa e para visibilizar un rol feminino de empoderamento, no que a ratiña non ten ningún problema en tomar a iniciativa e propoñer ela o matrimonio ao ratiño.

Temas: Educación afectivo- sexual. Igualdade de xénero.

O rato Fuco chega hoxe á biblioteca acompañado por un pequeno porquiño ao que ten que coidar porque os pais hoxe non poden. Cambiarálle o cueiro, darálle a merenda e por suposto contarálle contos, porque en Lonxedetodo os coidados non son una actividade exclusiva das ratiñas.

Temas: Educación afectivo- sexual. Coidados. Igualdade de xénero.

O rato Fuco é tan curioso como calquera neno. Últimamente tolea a preguntas á súa amiga Lilí Gruyère. Ela ármase de paciencia e contesta as que sabe e apraza a resposta das que non gañando tempo para se documentar, mais nunca censura a curiosidade do seu pequeno amigo porque sabe que ésta e a motivación son os motores de toda aprendizaxe.

Temas: Educación afectivo- sexual. Curiosidade.

Unha bóa saúde afectiva é básica para o benestar e o desenvolvemento da persoa. Tamén é importante para previr comportamentos violentos e para saber detectar relacións insás. Isto sábeno ben os ratos e ratiñas de Lonxedetodo, que teñen cousas moi interesantes para contarnos hoxe.

Temas: Educación afectivo- sexual. Saúde afectiva.

O conto de "A ratiña presumida" fomenta os estereotipos de xénero e as ideas sexistas. Nesta actividade dramatizaremos o conto de "O Ratiño presumido" dándolle a volta ao conto clásico para amosar a un ratiño (o rato Fuco) que disfruta cantando e limpando a súa casa e para visibilizar un rol feminino de empoderamento, no que a ratiña non ten ningún problema en tomar a iniciativa e propoñer ela o matrimonio ao ratiño.

Temas: Educación afectivo- sexual. Igualdade de xénero.