Os conductores das actividades para nenos-as de 3 a 8 anos son uns personaxes fantásticos: os Ratos de Lonxedetodo.

Lonxedetodo é a vila na que viven estes ratos de biblioteca. Alí os libros e a lectura ocupan un lugar principal na vida da comunidade.

Os nosos obxectivos son promover a lectura, espertar o gusto pola literatura, estimular a sensibilidade, a imaxinación, a creatividade e o espírito crítico dos nenos e nenas a través da narración dos contos e, singularmente, dos distintos xeitos de contalos.