Entre os xoguetes dos Ratos de Lonxedetodo hai moitos que son recoñecibles polas nenas e nenos.
Así e todo hai outros que causarán a súa sorpresa…Estes ratos teñen moita imaxinación e ganas de pasalo ben e postos a xogaren non hai quen os pare!
Temas: Xogos. Contos clásicos.
Érase unha vez un galo que tódalas mañás cantaba moi cedo. Un día o granxeiro, farto de tanto madrugar, colleuno polo pescozo e… xa non se puido soltar. E non só iso. Tamén tivo que bailar e cantar igual ca el.
Alguén quere axudar ao granxeiro a esconxuralo meigallo?
Nesta sesión os pais e nais asistentes axudan a dramatizar este divertido conto.
Temas: Teatro. Xogo dramático. Creatividade.
Ao rato Fuco encántalle o teatro, sobre todo pola súa dimensión lúdica e grupal. Hoxe vai dirixir a obra “O Pequeno Raposo”, representada por algúns dos asistentes, que trás uns pequenos xogos preparatorios estarán listos para actuar.
Temas: Teatro. Xogo dramático. Expresión.
Os Ratos de Lonxedetodo organizan con frecuencia “veladas de medo”, nas que contan contos, cantan cancións e fan xogos: Pasan un chisquiño de medo pero sobre todo rin e se divirten.
Temas: Medos. Xogos.
O rato Fuco está entusiasmado co traballo que ten por diante: formar un coro, dirixilo e gañar o concurso de música coral que organiza o Concello. Para isto contará coa axuda da súa amiga Lilí Gruyère e coas marabillosas voces do público asistente.
Temas: Xogos.