Ás veces un pode meterse en problemas por non respectar certos límites.E unha vez metidos no problema, o mellor será buscar con calma unha solución e aprender da experiencia. Sesión na que se trata a importancia dos límites na educación.
Temas: Límites. Positividade.
A ratiña Faifá sabe desde cando e porqué se celebra o Nadal no mundo. Percorreu moitos países e coñece diferentes xeitos de celebración e os personaxes que, en cada lugar, levan agasallos ás nenas e nenos!
Temas: Nadal. Viaxes. Multiculturalidade.
Ao rato Fuco encántalle o teatro, sobre todo pola súa dimensión lúdica e grupal. Hoxe vai dirixir a obra “O Pequeno Raposo”, representada por algúns dos asistentes, que trás uns pequenos xogos preparatorios estarán listos para actuar.
Temas: Teatro. Xogo dramático. Expresión.
Á ratiña Faifá encántalle o mar. Gústalle ir á Praia de Lonxedetodo para contémplalo, relaxarse e soñar…. Tamén dá longos paseos pola beira apañando cousas que atopa, ás veces naturais e ás veces lixo que recicla e ao que lle da un uso ben bonito!
Temas: Medio Ambiente. Poesía.
Os Ratos de Lonxedetodo organizan con frecuencia “veladas de medo”, nas que contan contos, cantan cancións e fan xogos: Pasan un chisquiño de medo pero sobre todo rin e se divirten.
Temas: Medos. Xogos.
O rato Fuco está entusiasmado co traballo que ten por diante: formar un coro, dirixilo e gañar o concurso de música coral que organiza o Concello. Para isto contará coa axuda da súa amiga Lilí Gruyère e coas marabillosas voces do público asistente.
Temas: Xogos.
A gran Lilí Gruyère é unha ratiña que percorre os principais teatros do mundo cantando, bailando e facendo maxia.
Hoxe preséntanos un increíble (e bastante cómico) espectáculo de hipnotismo en compañía do seu amigo o rato Fuco.
Temas: Misterio. Maxia cómica.
Achégase o verán e os nosos ratos teñen planeado traballar de camareiros para gañar uns cartiños. Hoxe van practicar un pouco na biblioteca. A ver que tal lles sae...
Temas: Contos clásicos. Xogos.
Un paseo respectuoso por un mundo diverso da man de Lilí Gruyére. Abórdase o problema do acoso escolar e dáse a coñecer a realidade tráns-xénero na infancia (coa colaboración da psicóloga Chus Díaz Anca).
Temas: Educación afectivo- sexual.
Hoxe visítanos a ratiña Carolina. Vainos falar da súa mamá Rita que é a directora da banda de música de Lonxedetodo e da súa mamá Rosalinda, desactivadora de trampas para ratos. Carolina está empezando a pensar qué quere ser de maior.
Temas: Educación afectivo- sexual.